¿A QUÉ XUEGA RAJOY?

Ta votándose agora mesmo si nun se votó ya la famosa reforma de Zapatero. Una reforma que aplauden toles organizaciones económiques del mundu coles que se pue tar mas o menos d’alcuerdu, pero que son los que faen que España puea colocar la so deuda nel exterior según dean bonos o malos informes.

La reforma pue gustanos mas o menos, a mi nun me gusta gota, pero como bien digo, foi aprobáda tantu pol BCE, como pela Comisión Europea, como pol FMI.

Agora entrúgome yo, ¿qué explicación va dar el Sr. Rajoy sobre’l so votu negativu? Si al final s’adelanten les elleiciones y gana Rajoy, ¿que va echar p’atrás esti Real Decretu? Yo creo que tendría qu’esplicar esto y decir a toos estos organismos internacionales a que xuega,¿non?.

O esto, o ye que simplemente ta instaláu nel non por el non, y tolo que sea bono (qu’esperemos qu’estes midíes lo seyan) pal país ye malo pa él. Yo creo que esti señor tien una enfermedá que nómase elleutoralismu crónicu, esto ye, nun piensa en lo meyor pa los ciudadanos sinon que solo piensa en too aquello que lu pue ganar unes elleiciones, por que sabe que’l tiempu acabase-y i que como nun gane pa les prósimes va tener que volver al Rexistru.

Pue gustate más o menos ZP, a mi, personalmente defraudome bastante, pero lo que nun se-y pue negar ye que agora mesmo, tuvo dos coyones pa pensar nel país ( puen gustate más o menos les mídies) sin pensar nes elleiciones.

POPULISMO BARATO

Día si y día tamién, escolforamos con noticies na prensa sobre’l tema de les perres na Casa Conceyu de Llaviana.

Día sí y día tamién, el vicealcalde, dedícase a lo que se lleva dedicando estos últimos 3 años, en intentar desprestixar al gobiernu llocal y n’especial, al so alcalde, Adrián Barbón.

Primeru que si unos arbolucos equí o aculla, arbolucos que él tamién había votáo pa que los cortaren.

Agora bien que si el sueldu. Nun sé, si a él y paez que ta mal pagau que vaya a la empresa privada y mira a ver como tan los sueldos por 20 hores semanales. 12.000 € anuales??? Eso nin de coña. Equí, en Barcelona, xente llicenciáo y con Master pue movese con suerte por unos 10.000-11.000, y conozo dello xente que pa llegar a los 12.000 tovía faen hores pela tarde como autónomos.

Esta nueva xeneración de comunistas, habrá excepciones, comu non, ta visto a lo que van. Tienen que vender el discursu de que son la alternativa a la izquierda, que lo serán, nun te digo que non. Pero a la vez quieren tar arrimaínos al poder por si yos cae, un puestín, llámese conseyería, llámese direción rexonal. Y si pa encima ties la opción de “gobernar” en coallición meyor, por que asina asegures el sueldu 4 años.

Hai xente que fala de populismo, demagoxa… saben bien lo que sinifica?? Tan perseguros que lo que ellos faen nun lo ye y de los demás si?? Que llean bien el diccionariu, entiendan el significáu y dempués utilicen eses pallabres.

Ya ta bien del no por el non, y agora, nestos tiempos nos que’l conceyu necesita que toos arrimen el llombu, menos ellectoralismu y más trabayu.

DÍA DE LES LLETRES ASTURIANES

El próximu día 9 festéxase un añu más, y van 30, una nueva eidición del Día de Les Lletres Asturianes. 30 años, de reivindicación y tamién de pequeños avances na normaolización llingüística nel mio país, Asturies.

Avances que nun serán completos hasta qu'esta llingua, la nuesa, seya declarada oficial. Hasta que los asturfalantes nun tengamos los mesmos drechos que'l restu la población a dirixinos a l'Alministración na nuesa llingua. Una Alministración, que naide s'escaeza, que los asturfalantes tamién caltenemos colos nuesos impuestos.

Mientres los dos grandes partidos d'Asturies, PSOE y PP, sigan con esa tesonería, nun vamos poder falar d'una igualdá real de drechos n'Asturies. Mientres los que manexen los filos de la nuesa tierra sigan meciendo llingua asturiana con nacionalismu, nun vamos a vivir una situación de normalidá llingüística n'Asturies.

Yo nun voy tar n'Asturies esi día, voy tar en Roma de viaxe, pero tene-y bien seguro que nun escaeceré a toa esa xente, que día a día llucha pa que los drechos llingüísticos de los asturianos, los míos, los nuesos, seán respetáos.

L'ASTURIANU LLINGUA OFICIAL, YA!!!