LA TERCERA FUERZA

Agora que se fala tanto de la financiación autonómica, prestame ver como en delles Comunidáes Autónomes, la batalla que presenten ciertos partíos nacionalistes o rexonalistes, da los sos frutos. Casos como el BNG en Galiza, el PNV en Euskadi o ERC i CiU en Catalunya, plantando cara pa sacar más perres pa les sos comunidáes, dan un bon resultáu.

Enantes de nada, dicir, que pa nada soi nacionalista, nel mio casu, podía nomáseme rexonalista, ya que pa mi, el bienestar d' Asturies ye lo primero.

El gran problema que tien la nuesa tierra, Asturies, ye la falta d'un partíu d' ámbitu rexonalista o nacionalista seriu, con un proyeutu de futuru y que nun busque solo la poltrona. Na Xunta Xeneral hai dos fuercies polítiques lluchando pel gobiernu d' Asturies, y una tercera que fai les vegaes de llave p'abrir o pesllar les llaves d'un gobiernu.

Exemplos como'l Partíu Asturianista, que tenía bona fachada pero muy mal fondu, ya que lo único que perseguía yera'l puestu de diputáu del so creador, son pernecesarios na nuesa rexón. Un partíu con una bona representación na Xunta, ente 3 y 7 diputáos, que tenga la soficiente fuercia pa apoyar un bon gobiernu estable y que mire realmente polos intereses de los asturianos, ensín tener que poner un güeyu en Madrid.

Y a to esto, na mió Llaviana el conceyal de Mediu Ambiente sigue escondíu ensin dar nenguna explicación del vertíu que de va unos díes pa acá, ta faciéndose dende'l Pozu Carrio...pa mear y n un char gota.....