Dempués de la vergoña que pasemos aquellos que queremos a Asturies con les cellebraciones del añu pasáu coles actuaciones programáes pol entonces Gobiernu llevando actuaciones que nada teníen que ver con la nuesa rexón, esti añu paez que vuelve la cordura a unos actos nos que lo que tien que intentáse ye xunir a toos y toes los y les asturianos/es. Ye sorprendete que tenga que venir un gobiernu de dreches pa que estes cellebraciones tornen a tener el calter asturianu que deberían tener siempre.
Un gobiernu, el de Cascos, que dende que salió nomáu, alla nel mes de mayu nun da visos de mirar polos intereses d’Asturies, sinon polos suyos. Dempués del esperpentu que la FSA (Federación Socialista Asturiana) fixo na elleición de Mesa de la Xunta Xeneral, apoyando al candidatu del P.P., éstos, tantu el PSOE como el PP tan desaparecios en combate. Creo que pegándose por ver quien va nes llistes nes elleiciones del 20 de payares.
El Gobiernu rexonal, hasta’l momentu lo único que fizo fue preparar el llanzamientu del partidu, y el suyu’n particular, al Congresu de los Diputáos de España. Con cartelos peles carreteres anunciándose. El que se presentaba como’l nueu Xovellanos acaba danos a los asturianos una lleición de lo que a esti personaxe importa-y Asturies, NADA. Ta claro, que’l partíu que formó fue una pataleta de guah.e pequeñu, por que la dirección estatal nun lu quiso nomar como candidatu a la presidencia d’Asturies. Con to y con eso ganó less elleiciones ( en númberu de escaños, no de votos), unes elleiciones que lu van catapultar pa lo que vien a ser el so oxetivu, mudase pa Madrid de diputáu y dexas a Asturies más empantanada de lo que taba.
Aprovechando la cellebración del día d’Asturies, torno a pedir una reforma nel Estatutu Autonomía pa que la llingua asturiana, la nuesa, seya, de una vegada llingua oficial na nuesa rexón.
PUXA ASTURIES!!!!
