Güey toi de llutu. Ye un día pertriste, non solo pa min, sinon pa tolos y toles persones que algamamos la oficialidá de la llingua.
El anunciu por parte de Javier Fernández de que va ser, si el PSOE lu escueye, candidatu a la presidencia d’Asturies ye una noticia permala pa les aspiraciones de la llingua asturiana. Con ello nun quiero decir que les otres opciones seyan meyores por que nin Ovidin nin Cascos fadríen muncho más por esta llingua nuesa.
Llevamos 12 años de retrasu per causa de la actitú represiva del de momentu tovía presidente Areces y nos queden, si naide lo remedia otros munchos hasta que a los políticos asturianos yos de por destapar los güeyos y abrir la so mente.
Ser asturianu y defender la llingua nun quier dicir que tengamos que ser, por ñarices, nacionalistes, y esi ye ‘l gran míeu que tienen los grandes partíos. Por que si non, nun lo explico.
Pues eso, que toy de lluto.
