GARRULOS!!!

La Pantoja, Rosa, Tamara, Dalma, Chenoa y Jose Luis Moreno como xefe de too. Esto ye una muestra del programa de les fiestes pa cellebrar el día d’Asturies, si, si, D’ASTURIES!!!.

¿Quién tuvo la brillante idega? QUE DIMITA!!! ¿ Quién firmó’l presupuestu? QUE DIMITA!!! ¿Quién dio’l vistu bueno a too? QUE DIMITA!!! ¿Quién lo presentó orgullosu y glayando que va ser el día d’Asturies más multitudináriu de siempre? QUE DIMITA!!!

Que dimitan toa esta panda de sunormales y garrulos que nos gobiernen, que se ríen a la cara de nos ( nesti casu y ensin que sirva de precedente, allégrome de nun pagar impuestos n’Asturies), que faen lo que quieren col dinero de toos y toes nosotros.

¿ Dalgún imaxínase al Cuartetu Torner cantando nel día d’Andalucía? ¿ O a Xera tocando na Diada de Catalunya? A que non? Pues equí lo mesmo. Nun entra en nenguna cabeza, que esta panda de garrulos que tenemos por gobernantes faigan un programa cargáu d’actuaciones y que nun haiga nengún artista asturianu.

Será por artistes, dende folk hasta rock, dende tonada hasta rap… Vicente Díaz, Cholo Juvacho, Duerna, Corquiéu, Xera, Dixebra, Los Berrones, Anabel Santiago, Skontra, Dark la Eme, Mala Reputación…. y asina, hasta un cientu d’ellos, que bien podien tar toos xuntos y hasta revueltos, neses cellebraciones del día d’Asturies.

Por eso vos pido, dende equí que faigais esti llamamientu a toa la xente que conozáis: BOIKOT AL DÍA D’ASTURIES!!!! QUE NUN VAYA NADIE!!!!