Bueno, pues dempués d'unos díes per Asturies, viendo a la familia y a los collacios, volví pa Barcelona. Agora, entama la época final de la Universidá, esperando los resultaos de la Evaluación Contínua y entamando a estudiar pa los exámenes.
Los díes que tuve per elli foron perbien aprovecháos, sobre tóo pela comida del domingu, na que conseguí aconceyar a tolos collácios y collácies. Además pintonos buen tiempu.
El domingu hai elleiciones, unes elleiciones marcáes pol pasotismu de la mayoría de la xente hacía 'l Parlamentu Européu. Yo creo que les instituciónes de España tienen que explicar meyor a la sociedá lo que significa ( si ye que significa algo) Europa y les sos instituciones pa la xente, sinon, seguiremos como hasta agora, con tases de abstención en tornu al 50 %. La verdá que nun seguí muncho la campaña, namai lo que ponien los periódicos y mirándolo per enriba y la verdá, que nun me presta na lo que veo. Paez más bien una campaña ente Rajoy y Zapatero qu' entre Oreja y Aguilar. Una campaña na que hai que desprestixar al contraríu en vez d' esplicar los programas y les actuaciones que vas a llevar a cabu si ganes. Vamos, lo de siempre.... luego quien que la xente vote.
Y cuando falo de mala campaña, nun ye solo de los dos "grandes": el PSOE machaca 'l PP, esti al PSOE, Izquierda Xunia ( o desunía, según les Comunidáes Autónomes y los conceyos na que ten) a los dos.... y asina podía seguir hasta mañana....
Pues eso, que con esti percal quitense-y a un les ganes de dir a votar, pero hay que dir. Eso téngolo y siempre lo tendré perclaro, aunque seya namás en honor de tola xente que lluchó pa que nosotros agora podamos exercer el nuesu drechu al votu.
Suscribirse a:
Enviar comentarios (Atom)
No hay comentarios:
Publicar un comentario