SINDICATOS

Aparez güey nun periódicu d’ Asturies la noticia de que los sindicatos SOMA-FIA-UGT y CC.OO piden na mesa ‘l carbon que se den más ayudes a les empreses que se instalen nes cuenques.

Yo entrugome, hasta cuando vamos tener que soportar, que to esa pila fartones se rian a la nuesa cara?? Lo único que yos interesa ye mantener el so nivel adquisitivu pa poder tener una bona xubilación. Nunca nun yos interesaron les cuenques, nin la xente que vive ellí.

Y bien, como algamen una bona xubilación?? Perfacil. Faciendo lo que hasta agora ficieron perbien, faciendo d’ Asturies un país que vive de les suvenciones, ya seyan del gobiernu central o d’ Europa, un país que mientras viva de les subvenciones y de les prejubilaciones nun notará la crisis, pero que entrará nella nel momentu ‘n que se pieslle ‘l grifu. Preocupayos esto a los sindicaleros?? NADA, NADA DE NADA, ellos tarán en Ledesma o en Los Alcázares con el bolsin llenu.

Por que en vez de pedir más ayudes a les empreses que se instalen nes cuenques, empreses que una vez reciban la subvención y vengan malos tiempos piesllen y marchen con les perres y si te vi nun malcuerdo, nun promueven la creación de empreses por los propios vecinos de les cuenques?? Por que nun piden incentivar eso?? Pues por que nun-yos convien tener autónomos, por que perderían afiliaos y xente que los mantién, por esa sencilla razón.

Les cuenques nun se van salvar ni van a salir de la crisis por medio de subvenciones nin de les prexubilaciones, eso hay que tenelo claro. Les cuenques salvense arrimando ‘l llombu, promoviendo iniciatives empresariales, promoviendo ‘l I+D+I, y formando a la xente moza, al futuru les cuenques en aquellos nichos de trabayu, nos que realmente hay una demanda.